Apr 23 2024, 07:46

నేను మీలో ఒకడిని..ఆశీర్వదించండి.. నియోజకవర్గ అభివృద్ధి నా బాధ్యత.. జగనన్నను మళ్ళీ సీఎం చేసుకుందాం.. ఎం. వీరాంజనేయులు..
నేను మీలో ఒకడిని..ఆశీర్వదించండి.. నియోజకవర్గ అభివృద్ధి నా బాధ్యత.. జగనన్నను మళ్ళీ సీఎం చేసుకుందాం.. ఎం. వీరాంజనేయులు

◆ ప్రజలను మభ్య పెట్టేందుకే టీడీపీ కూటమి

  

'నేను మీలో ఒకడిని.. ఆశీర్వదించండి.. శింగనమల నియోజకవర్గ అభివృద్ధే ధ్యేయంగా పనిచేస్తా' అని వైఎస్సార్ సీపీ ఎమ్మెల్యే అభ్యర్థి ఎం. వీరాంజనేయులు అన్నారు.

బుక్కరాయసముద్రం మండలం ఓబుళాపురం, దండువారిపల్లి, ఏడావులపర్తి, దయ్యాలకుంటపల్లి, వెంకటాపురం గ్రామాలలో " మన ఊరికి మన వీరా" కార్యక్రమంలో భాగంగా గడపగడపకు వైయస్సార్ ఎన్నికల ప్రచారాన్ని పార్టీ శ్రేణులతో కలసి ఆయన చేపట్టారు.

గ్రామస్తులు, నేతలు పుష్పగుచ్ఛాలు అందజేసి ఘనస్వాగతం పలికారు. ఇంటింటికీ తిరుగుతూ.. అవ్వాతాతలను,ప్రజలను ఆప్యాయంగా పలకరిస్తూ, వారి యోగక్షేమాలను అడిగి తెలుసుకున్నారు. ప్రభుత్వం నుంచి పొందిన లబ్ధిని వారికి వివరిస్తూ, సంక్షేమ పథకాలు ఇలానే కొనసాగాలంటే "ఫ్యాన్" గుర్తుకు ఓటు వేసి గెలిపించాలను విజ్ఞప్తి చేశారు.

వీరాంజనేయులు మాట్లాడుతూ.. ముఖ్యమంత్రి వైఎస్ జగన్మోహన్ రెడ్డి పేదల పక్షాన నిలబడి ప్రతి ఇంటికి సంక్షేమ పథకాలు అందిస్తుంటే, చంద్రబాబు నాయుడు అధికారం కోసం ప్రజలను మభ్యపెట్టి కూటమితో జతకట్టి వస్తున్నారని వారిని నమ్మి మోసపోకండి అన్నారు. జగనన్నని మళ్ళీ ముఖ్యమంత్రిని చేసుకుంటేనే సంక్షేమం, అభివృద్ధి పూర్తి స్థాయిలో కొనసాగుతాయన్నారు. తనను ఎమ్మెల్యే గా గెలిపిస్తే నియోజకవర్గ అభివృద్ధిపై దృష్టి సారిస్తూ, ప్రజలకు అందుబాటులో ఉంటూ పార్టీ బలోపేతానికి కృషి చేస్తానన్నారు. నియోజకవర్గంలో టిడిపి వాళ్లు మోసపూరిత హామీలతో ప్రజలను మోసం చేయడానికి వస్తున్నారని వారిని వారి సొంత పార్టీ వారే నమ్మే పరిస్థితుల్లో లేనప్పుడు ప్రజలకు ఏం న్యాయం చేస్తారని ఎద్దేవా చేశారు. ప్రజలు కష్ట కాలంలో ఉన్న సమయంలో ప్రజలకు అందుబాటులో లేని అభ్యర్థి, ఓట్ల కోసం మీ ముందుకు వస్తున్నారనే విషయాన్ని గమనించాలని తెలిపారు. ఎమ్మెల్యే అభ్యర్థి అయిన తనను, ఎంపీ అభ్యర్థి అయిన శంకర్ నారాయణ ను అత్యధిక మెజార్టీతో గెలిపించాలని ప్రజలను కోరారు.

ఈ కార్యక్రమంలో వైఎస్ఆర్సిపి నాయకులు, కార్యకర్తలు, అభిమానులు తదితరులు పాల్గొన్నారు.

Apr 22 2024, 07:36

శింగనమల ఎమ్మెల్యే అభ్యర్థి బండారు శ్రావణి కు బి-ఫామ్ అందజేసిన టిడిపి అధినేత చంద్రబాబు
శింగనమల ఎమ్మెల్యే అభ్యర్థి బండారు శ్రావణి కు బి-ఫామ్ అందజేసిన టిడిపి అధినేత చంద్రబాబు

ఉండవల్లిలోని చంద్రబాబు నివాసంలో బీఫామ్ అందుకున్న. శింగనమల ఎమ్మెల్యే అభ్యర్థి బండారు శ్రావణి

  



పార్లమెంట్ అభ్యర్థి అంబికాతో పాటు మిగిలిన అసెంబ్లీ అభ్యర్థులతో కలిసి బీఫామ్ అందుకున్న శింగనమల ఎమ్మెల్యే అభ్యర్థి బండారు శ్రావణి



విజయంతో తిరిగి రావాలని చంద్రబాబు సూచన

* శింగనమల  స్థానాన్ని గెలిచి బహుమతిగా ఇస్తానన్న శింగనమల ఎమ్మెల్యే అభ్యర్థి బండారు శ్రావణి

Apr 22 2024, 07:27

బుక్కరాయసముద్రం మండలంలో మాజీ మంత్రి కాంగ్రెస్ పార్టీ అభ్యర్థి సాకే శైలజనాథ్ విస్తృత ప్రచారం
బుక్కరాయసముద్రం మండలం 2024 ఎన్నికల ప్రచారంలో భాగంగా సంజీవపురం గ్రామంలో వైఎస్ఆర్ కాంగ్రెస్ పార్టీ నుంచి కాంగ్రెస్ పార్టీలోకి భీమిరెడ్డి గోవిందరెడ్డి ఆధ్వర్యంలో100 కుటుంబాలు డాక్టర్ సాకే శైలజనాథ్ సమక్షంలో చేయడం జరిగింది ఈ కార్యక్రమంలో డిసిసి అధ్యక్షుడు బండ్లపల్లి ప్రతాపరెడ్డి జిల్లా ఓబీసీ అధ్యక్షుడు రామ్ చరణ్ యాదవ్ బుక్కరాయసముద్రం కాంగ్రెస్ పార్టీ మండల కన్వీనర్ మారిసెట్టి సురేష్ నార్పల కన్వీనర్ రామాంజనేయులు ఎస్సీ సెల్ నాయకుడు అంజి సింగనమల యూత్ కాంగ్రెస్ కాంగ్రెస్ నాయకులు భీమ్ రెడ్డి పెద్దిరెడ్డి R మునిరెడ్డి నాయకుడు మారుతి మరియు కాంగ్రెస్ నాయకులు కార్యకర్తలు పాల్గొన్నారు మరియు సంజీవపురం గ్రామస్తులు

Apr 22 2024, 07:16

చరిత్రలో నిలిచిపోయేలా జగనన్న పాలన.. సంక్షేమ పాలన కొనసాగలంటే.."ఫ్యాన్"కు ఓటు వేయాలి.. ఎమ్మెల్యే అభ్యర్థి ఎం. వీరాంజనేయులు
చరిత్రలో నిలిచిపోయేలా జగనన్న పాలన.. సంక్షేమ పాలన కొనసాగలంటే.."ఫ్యాన్"కు ఓటు వేయాలి.. ఎమ్మెల్యే అభ్యర్థి ఎం. వీరాంజనేయులు

◆ టీడీపీకి ఇవే చివరి ఎన్నికలు

  

దేశ చరిత్రలో ఎవరికీ సాధ్యంకాని విధంగా ముఖ్యమంత్రి వైఎస్ జగన్మోహన్ రెడ్డి పాలన అందించారని, ప్రజలు ఓట్లు వేసి పట్టం కట్టాలని శింగనమల వైఎస్సార్సీపీ ఎమ్మెల్యే అభ్యర్థి ఎం. వీరాంజనేయులు అన్నారు.

పుట్లూరు మండలం శనగలగూడూరు, తక్కళ్లపల్లి, పోతిరెడ్డిపల్లి, గాండ్లపాడు, ఎస్.తిమ్మాపురం, కొండేపల్లి గ్రామాలలో " మన ఊరికి మన వీరా" కార్యక్రమంలో భాగంగా వైయస్సార్ గడపగడపకు ఎన్నికల ప్రచారాన్ని పార్టీ శ్రేణులతో కలసి వీరాంజనేయులు చేపట్టారు.

గ్రామాల్లోని ప్రజలు, పార్టీ శ్రేణులు శాలువాలతో సత్కరించి, పూలమాలలు వేసి ఘనంగా స్వాగతం పలికారు. మహిళలను, వృద్ధులను పలకరిస్తూ, జగనన్న పాలన ఎలా ఉందని అడిగి తెలుసుకున్నారు. సంక్షేమ పథకాలతో, పింఛన్లులతో సంతోషంగా ఉన్నామని చెప్పారు. ఇంటింటికీ వెళ్లి "ఫ్యాన్"గుర్తుకు ఓటు వేసి మెజారిటీతో గెలిపించాలని అభ్యర్థిస్తూ కరపత్రాలు అందజేశారు.

వీరాంజనేయులు మాట్లాడుతూ.. చంద్రబాబు పాలనలో అభివృద్ధి, సంక్షేమ పథకాల ఊసే లేకుండా ప్రజలను అన్ని విధాలా మోసం చేసారని తెలియజేశారు. జగనన్న పాలనలో ప్రజలకు ఇచ్చిన వాగ్దానాలను అమలు చేయడంతో ప్రజలు చాలా సంతోషంగా ఉన్నారన్నారు. నేరుగా జగన్మోహన్ రెడ్డిని ఎదుర్కొనే దమ్ము లేక చంద్రబాబు నాయుడు వివిధ పార్టీలతో పొత్తు పెట్టుకున్నారు. గెలుపు కోసం ఆయన ఇలా ఎన్ని పార్టీలతో కలసి వచ్చిన ఫలితం శూన్యం అన్నారు. జగనన్న ఐదేళ్లలో అందించిన ప్రజారంజక పాలనను చూసిన టీడీపీ, జనసేన,బీజేపీ ఓటమి భయంతో పొత్తులతో వస్తున్నారన్నారు. అధికారం కోసం కుట్రలు, కుతంత్రాలు పన్నుతున్న బాబుకు ప్రజలు బుద్ధి చెప్పేందుకు ప్రజలు సిద్ధంగా ఉన్నారన్నారు. "ఫ్యాన్" గుర్తుకు ఓటు వేసి జగనన్నను ముఖ్యమంత్రిని చేసుకోవాలని విజ్ఞప్తి చేశారు.

ఈ కార్యక్రమంలో వైఎస్సార్సీపీ నాయకులు, కార్యకర్తలు, అభిమానులు, తదితరులు పాల్గొన్నారు.

Apr 21 2024, 07:57

చంద్రబాబునాయుడు గారిని కలిసి పుష్పగుచ్చం అందజేసిన టీడీపీ రాష్ట్ర అధికార ప్రతినిధి, ద్విసభ్య కమిటి సభ్యులు ఆలం నరసానాయుడు
అనంతపురం జిల్లా రాయదుర్గం నియోజకవర్గం కనేకల్ మండలానికి విచ్చేసిన తెలుగుదేశం పార్టీ జాతీయ అధ్యక్షులు, మాజీ ముఖ్యమంత్రివర్యులు నారా చంద్రబాబునాయుడు గారిని కలిసి పుష్పగుచ్చం అందజేసిన టీడీపీ రాష్ట్ర అధికార ప్రతినిధి, ద్విసభ్య కమిటి సభ్యులు ఆలం నరసానాయుడు గారు,ద్విసభ్య కమిటి సభ్యులు ముంటిమడుగు కేశవరెడ్డి గారు మరియు తెలుగుదేశం పార్టీ నాయకులు, కార్యకర్తలు

Apr 21 2024, 07:49

గ్రామాల్లో మౌలిక సదుపాయాల కల్పనే ధ్యేయంగా పని చేస్తా : టిడిపి జనసేన బిజెపి ఉమ్మడి అభ్యర్థి బండారు శ్రావణి శ్రీ
శింగనమల  నియోజకవర్గం శింగనమల మండలం గుమ్మేపల్లి గ్రామం..

గ్రామాల్లో మౌలిక సదుపాయాల కల్పనే ధ్యేయంగా పని చేస్తా : టిడిపి జనసేన బిజెపి ఉమ్మడి అభ్యర్థి బండారు శ్రావణి శ్రీ

  

గుమ్మేపల్లి గ్రామం ఎన్నికల పర్యటనలో భాగంగా నారా చంద్రబాబు నాయుడు గారి జన్మదిన వేడుకలు గుమ్మేపల్లి గ్రామంలో ప్రజల సమక్షంలో జరుపుకోవడం చాలా సంతోషకర విషయమని బండారు శ్రావణి శ్రీ గారు తెలియజేశారు. 

   ఈ సందర్భంగా గుమ్మేపల్లి గ్రామంలో ప్రజలను కార్యకర్తలను ఉద్దేశించి  బండారు శ్రావణి శ్రీ గారు మాట్లాడుతూ గ్రామంలో తాగునీటి సమస్య లేకుండా తన వంతు కృషి చేస్తానని గ్రామ అభివృద్ధికి తోడ్పడుతానని వచ్చే ఎన్నికల్లో అందరూ సైకిల్ గుర్తుకు ఓటు వేసి గెలిపించాలని కార్యకర్తలను నాయకులను మరియు గ్రామస్తులను కోరడం జరిగింది.
 అనంతరం జనసేన పార్టీ శింగనమల మండల అధ్యక్షుడు తోట ఓబులేసు గారి స్వగృహానికి విచ్చేసిన బండారు శ్రావణశ్రీ గారికి గజమాలతో ఆహ్వానం పలికారు.

 ఈ కార్యక్రమంలో తెలుగుదేశం పార్టీ జనసేన బిజెపి మండల నాయకులు కార్యకర్తలు మహిళలు యువత తదితరులు పాల్గొన్నారు.

Apr 21 2024, 07:38

ప్రజల కష్టాలను తెలుసుకునేందుకు "పల్లె నిద్ర"
ప్రజల కష్టాలను తెలుసుకునేందుకు "పల్లె నిద్ర"

గ్రామాల్లో ప్రజల కష్టాలను ప్రజా సమస్యలను ప్రత్యక్ష పరిశీలించి పరిష్కరించటం కోసమే పల్లె నిద్ర కార్యక్రమం నిర్వహిస్తున్నట్లు ఎమ్మెల్యే అభ్యర్థి ఎం. వీరాంజనేయులు తెలిపారు.

  

గ్రామాల్లో పల్లె నిద్ర చేయడం చాలా సంతోషకరంగా ఉందని, అలాగే రైతుల, ప్రజల సమస్యలు తెలుసుకున్నానని, సమస్యలు పరిష్కరించే దిశగా చర్యలు తీసుకుంటామన్నారు.

మన ఊరికి మన వీరా" కార్యక్రమంలో భాగంగా గడపగడపకు వైయస్సార్ ఎన్నికల ప్రచారం అనంతరం శింగనమల మండలం సోదనపల్లి గ్రామంలో "పల్లె నిద్ర" కార్యక్రమాన్ని  వీరాంజనేయులు నిర్వహించారు.

స్థానికులతో కలసి సమావేశం నిర్వహించారు. ముఖ్యమంత్రి వైయస్ జగనన్న చేసిన సంక్షేమం, అభివృద్ధి గురించి వివరించి, జరిగిన లబ్ధిని వారిని అడిగి తెలుసుకున్నారు.

అనంతరం కాలనీలో బస చేశారు.

Apr 21 2024, 07:31

గ్రామాలే తరిలి వస్తున్నాయి టిప్పర్ డ్రైవర్ కు ఎన్నికల ప్రచారంలో
జన హృదయాల్లో జగనన్నకు సుస్థిర స్థానం
రోజురోజుకూ పెరుగుతున్న ప్రజాదరణ
 ఎమ్మెల్యే, ఎంపీ అభ్యర్థులు వీరాంజనేయులు, శంకర్ నారాయణ
 టిడిపి మాయమాటలు నమ్మవద్దు
వైఎస్సార్సీపీ తోనే సంక్షేమాభివృద్ధి.

అందరికీ మంచి చేసే జగనన్నకు ప్రజల గుండెల్లో ప్రత్యేక స్థానం ఉందని శింగనమల వైఎస్సార్సీపీ ఎమ్మెల్యే అభ్యర్థి ఎం. వీరాంజనేయులు, అనంతపురం ఎంపీ అభ్యర్థి ఎం. శంకర్ నారాయణ అన్నారు.

  

శింగనమల మండలం చిన్నమట్లగొంది, పెద్ద మట్లగొంది, ఈస్ట్.నరసాపురం, సోదనపల్లి గ్రామాలలో "మన ఊరికి మన వీరా" కార్యక్రమంలో భాగంగా గడపగడపకు వైయస్సార్ ఎన్నిక ప్రచారాన్ని పార్టీ శ్రేణులు, రాష్ట్ర ప్రభుత్వ విద్యా సలహాదారు ఆలూరు సాంబ శివారెడ్డిలతో కలసి వీరాంజనేయులు, శంకర్ నారాయణ చేపట్టారు.

ఆయా గ్రామాల ప్రజలు, పార్టీ శ్రేణులు, మహిళలు పెద్ద ఎత్తున పాల్గొని అడుగడుగునా ఘనంగా స్వాగతం పలికారు. ఇంటింటికీ వెళ్లి జగనన్న చేసిన మంచిని వివరించారు. రానున్న ఎన్నికలలో ఫ్యాన్ గుర్తుకు ఓటు వేసి తమను గెలిపించాలని ఓటర్లను అభ్యర్థించారు.

వారు మాట్లాడుతూ.. సీఎం జగన్మోహన్ రెడ్డి రాష్ట్రంలో ఎన్నో విప్లవాత్మక సంస్కరణలు చేపట్టి చరిత్రలో నిలిచిపోయేలా పాలన అందించారన్నారు. అటువంటి గొప్ప పాలనలో తాము కూడా భాగస్వామ్యం అయినందుకు ఎంతో గర్వంగా ఉందన్నారు. వైఎస్ఆర్సిపి తోనే సంక్షేమం అభివృద్ధి సాధ్యమన్నారు. టిడిపి ఐదేళ్ల పాలనలో పేదలకు సంక్షేమాన్ని దూరం చేసిందన్నారు. జన్మభూమి కమిటీల పేరుతో విధ్వంస పాలన సాగించారన్నారు. కూటమి పేరుతో ప్రజలను మోసం చేసే ప్రయత్నం చేస్తోందని దుయ్యబట్టారు. ఈ మోసాలను తిప్పి కొట్టాలని పిలుపునిచ్చారు. జగన్మోహన్ రెడ్డిని మళ్లీ సీఎం గా చేస్తే సంక్షేమం, అభివృద్ధి సాధ్యమవుతుందన్నారు. మే 13న జరిగే సార్వత్రిక ఎన్నికల్లో ఎమ్మెల్యే, ఎంపీ అభ్యర్థులమైన తమను "ఫ్యాన్" గుర్తుకు ఓటు వేసి మెజారిటీతో గెలిపించాలని విజ్ఞప్తి చేశారు.

ఈ కార్యక్రమంలో వైఎస్ఆర్సిపి నాయకులు, కార్యకర్తలు, అభిమానులు తదితరులు పాల్గొన్నారు.

Apr 20 2024, 15:16

Flash.. Flash.. మొదటి సెట్ నామినేషన్ దాఖలు చేసిన వీరాంజనేయులు
మొదటి సెట్ నామినేషన్ దాఖలు చేసిన వీరాంజనేయులు

శింగనమల నియోజకవర్గ వైఎస్సార్సీపీ ఎమ్మెల్యే అభ్యర్థి ఎం. వీరాంజనేయులు మొదటి సెట్ నామినేషన్ దాఖలు చేశారు.

  

వైఎస్సార్సీపీ జిల్లా అధ్యక్షులు పైలా నరసింహయ్య, రాష్ట్ర ప్రభుత్వ విద్యా సలహాదారు ఆలూరు సాంబ శివారెడ్డి, జడ్పీ చైర్పర్సన్ బోయ గిరిజమ్మ, వైఎస్సార్సీపీ మండల కన్వీనర్ చిక్కాల బాలకృష్ణ లతో కలసి వీరాంజనేయులు నామినేషన్ దాఖలు చేశారు.

తహశీల్దార్ కార్యాలయంలో ఎన్నికల అధికారి వెన్నెల శ్రీను కి నామినేషన్ పత్రాలు అందజేశారు.

ఈ నెల 24 తేదీన బుధవారం వైఎస్సార్సీపీ కుటుంబ సభ్యులందరి సమక్షంలో, అందరి మద్దతుతో, భారీ జన సందోహం మధ్య భారీ స్థాయిలో రెండవ సెట్ నామినేషన్
 దాఖలు చేయనున్నారు.

Apr 19 2024, 07:25

స్థానికుడిని అందుబాటులో ఉంటా... ఆదరించండి..   ఎమ్మెల్యే అభ్యర్థి ఎం. వీరాంజనేయులు..
 స్థానికుడిని అందుబాటులో ఉంటా... ఆదరించండి..
 ఎమ్మెల్యే అభ్యర్థి ఎం. వీరాంజనేయులు

◆ జగనన్నను ముఖ్యమంత్రిని చేసుకుందాం

  

◆ సంక్షేమ పాలనను కొనసాగించుకుందాం.

◆ ఓట్ల కోసం టీడీపీ అబద్ధపు నెరవేర్చని హామీలు

ఎమ్మెల్యేగా పోటీ చేసే అవకాశాన్ని ముఖ్యమంత్రి వైఎస్ జగన్మోహన్ రెడ్డి కల్పించారని ఒకసారి అవకాశం ఇవ్వండని ఎం. వీరాంజనేయులు ప్రజలను కోరారు.

నార్పల మండలం గడ్డంనాగేపల్లి, వెంకటాంపల్లి, మద్దలపల్లి, నాయనపల్లి, నడిమిదొడ్డి గ్రామాలలో " మన ఊరికి మన వీరా" కార్యక్రమంలో భాగంగా గడపగడపకు ఎన్నికల ప్రచారాన్ని పార్టీ శ్రేణులు, ప్రభుత్వ విద్యా సలహాదారు ఆలూరు సాంబ శివారెడ్డి, ఎస్సీ సెల్ జిల్లా అధ్యక్షులు ఎగ్గుల శ్రీనివాసులు, జిల్లా మైనార్టీ అధ్యక్షులు సైపుల్లా బేగ్ లతో కలసి వీరాంజనేయులు చేపట్టారు.

అడుగడుగునా గ్రామాల్లో ఆత్మీయంగా హారతులతో ఘన స్వాగతం పలికారు. ఇంటింటికీ వెళ్లి అవ్వా తాతలను ఆప్యాయంగా పలకరిస్తూ, ముఖ్యమంత్రి వైఎస్ జగన్ అన్న ఐదేళ్ల పాలన చేసిన సంక్షేమాన్ని ఆయా కుటుంబాలకు వివరించారు. స్థానికుడిగా ప్రజలందరికీ అందుబాటులో ఉంటా.. మంచి చేస్తా.. నియోజకవర్గ అభివృద్ధి కోసం కృషి చేస్తానని, రానున్న ఎన్నికలలో ఫ్యాన్ గుర్తుకు ఓటు వేసి అత్యధిక మెజార్టీతో గెలిపించాలని ఓటర్లని అభ్యర్థించారు.

వీరాంజనేయులు మాట్లాడుతూ.. చంద్రబాబు నాయుడు ఓట్ల కోసం అపద్దపు హామీలతో వస్తున్నారన్నారు. 2014లో టిడిపి అధికారంలో ఉన్నప్పుడు ప్రజలకు చేసింది ఏమీ లేదన్నారు. ప్రభుత్వ పథకాలు అందాలంటే టిడిపి హయంలో ప్రజలు కార్యాలయం చుట్టూ తిరుగుతూ పడిగాపులు కాసేవారన్నారు. 2019 లో వైఎస్ఆర్సిపి అధికారంలోకి వచ్చాక పాదయాత్రలో ఇచ్చిన ప్రతి హామీని జగనన్న నెరవేర్చారన్నారు. ఇంటింటికి సంక్షేమాన్ని అందించి ప్రజల గుండెల్లో సుస్థిర స్థానాన్ని సంపాదించుకున్న జగనన్న మరోసారి ముఖ్యమంత్రిగా కావాలని గ్రామాల్లో ప్రజలు కోరుకుంటున్నారన్నారు. నియోజకవర్గంలో టిడిపి వాళ్లు చేస్తున్న ప్రచారంలో ప్రజలు కరువయ్యారన్నారు. జగనన్నపై విమర్శలు తప్ప ప్రజలకు ఏం చేస్తామో టీడీపీ గట్టిగా చెప్పలేకపోతున్నారన్నారు. రానున్న ఎన్నికలలో చంద్రబాబు నాయుడును ఓడించి ఇంటికే పరిమితం చేయాలని పిలుపునిచ్చారు. 

ఈ కార్యక్రమంలో వైఎస్ఆర్సిపి నాయకులు, కార్యకర్తలు, అభిమానులు తదితరులు పాల్గొన్నారు.